නව කඳවුරකින් මැතිවරණය සඳහා පෙනීසිටීම අරමුණ බව ඒකාබද්ධ විපක්ෂය පවසනවා. ඒ සඳහා සූදානම් බවයි පාර්ලිමේන්තු මන්තී‍්‍ර දිලුම් අමුණුගම මහතා ප‍්‍රකාශ කළේ.
පසුගිය රජය ජාතීන් භේද කිරීමට කටයුතු කළ බව පාර්ලිමේන්තු මන්තී‍්‍ර එස් එම් මරික්කාර් මහතා පවසනවා. එභෙත් වර්තමාන රජය සැමට එක හා සමානව සලකන බවයි මන්තී‍්‍රවරයා පෙන්වාදෙන්නේ.
ධන සවිය වැඩපිළිවෙල අද (25) ඇරඹෙනවා. ඒ හබරාදුව ප‍්‍රදේශයේදී. කාන්තාවන් දස ලක්ෂයකගේ ආර්ථිකය ශක්තිමත් කිරීමයි වැඩසටහනේ අරමුණ. දිවයිනේ සියලුම ග‍්‍රාමනිලධාරී වසම් ඉලක්ක කරගනිමින් මෙම ව්‍යාපෘතිය කි‍්‍රයාත්මක වන බවයි ප‍්‍රාථමික කර්මාන්ත අමාත්‍යාංශය ප‍්‍රකාශ කළේ. සමාරම්භක උත්සවය දයා ගමගේ, ගයන්ත කරුණාතිලක සහ වජිර අබේවර්ධන යන අමාත්‍යවරුන්ගේ ප‍්‍රධානත්වයෙන් පැවැත්වෙනවා. ජාතික ආර්ථිකයට සවියක් ලබාදීම ව්‍යාපෘතිය මගින් අපේක්ෂා කරන බවයි ප‍්‍රාථමික කර්මාන්ත අමාත්‍යාංශය පෙන්වාදෙන්නේ.
28 වෙනි ජාතික යෞවන කී‍්‍රඩා උළෙලේ පෙරමුණ ගැනීමට ගම්පහ දිස්ති‍්‍රක්කය සමත්වී සිටිනවා. ඒ ලකුණු 87 ක් ලබාගනිමින්. දෙවන ස්ථානයේ රැඳීසිටින කොළඹ දිස්ති‍්‍රක්කය ලබාගෙන ඇති ලකුණු සංඛ්‍යාව 86 ක්. තුන්වන ස්ථානයේ පසුවන්නේ ලකුණු 68 ක් ලබාගත් කුරුණෑගල දිස්ති‍්‍රක්කය. ඊයේ (24) දිනයේ නව තරඟ වාර්තා දෙකක් පිහිටුවීමට කී‍්‍රඩක කී‍්‍රඩිකාවන් සමත්වුණා. ඒ මීටර සියය හතර පිරිමි තරඟය සහ මීටර 400 කාන්තා තරඟවලදී. පාපන්්දු අවසන් මහා තරඟය ජයගැනීමට නුවර දිස්ති‍්‍රක්කය සමත්වුණා. වොලිබෝල් තරඟාවලියේ කාන්තා සහ පිරිමි ශූරතා දෙකම හිමිකර ගත්තේ කෑගල්ල දිස්ති‍්‍රක්කය.
බදුල්ල බණ්ඩාරවෙල ප‍්‍රධාන මාර්ගයේ බදුල්ල පොලිස් ස්ථානය අසළදී සිදුවූ රියඅනතුරකින් පුද්ගලයින් 9 දෙනෙක් තුවාල ලබා තිබෙනවා. ඒ වෑන් රථ දෙකක් මුහුණට මුහුණ ගැටීමෙන්. තුවාල ලැබූවන් අතර කාන්තාවන් 6 දෙනෙක් සිටින බවයි පොලීසිය ප‍්‍රකාශ කළේ. එක් වෑන් රථයක රියදුරෙකුට නින්දයාමයි අනතුරට හේතුව. තුවාල ලැබූවන් බදුල්ල මහ රෝහලට ඇතුලත් කර තිබෙනවා.
රටේ සංවර්ධන ගමන ශක්තිමත් කරන අයවැයක් ලබන වසර සඳහා ඉදිරිපත් කරන බව මුදල් අමාත්‍ය රවී කරුණානායක මහතා පවසනවා. රටේ සෑම ක්ෂේත‍්‍රයකටම සංවර්ධනය ළඟාකර දිය හැකි යෝජනා ඊට ඇතුලත්. සියලු ජනතාවගේ අදහස් ලබාගනිමින් අයවැය සකස් කිරීමටයි පියවර ගෙන තිබෙන්නේ. ඒ අනුව සෑම ජන කොටසකටම බලාපොරොත්තු තැබිය හැකි අයවැයක් ඉදිරිපත් කරන බවයි මුදල් අමාත්‍යවරයා පෙන්වාදෙන්නේ. මෙරට ආර්ථික සංවර්ධනය සඳහා ප‍්‍රමුඛතාව ලබාදීමයි වත්මන් රජයේ අරමුණ. ඒ සඳහා විධිමත් වැඩපිළිවෙලක් රජය සතු බව රවී කරුණානායක මහතා ප‍්‍රකාශ කළා.
15 හැවිරිදි බාලවයස්කාර දැරියන් දෙදෙනෙකුට අතවර කළ සැකකරුවන් දෙදෙනෙක් අත්අඩංගුවට ගත්තා. ඒ මිනුවන්ගොඩ ප‍්‍රදේශයේදී. සැකකරුවන් එම දැරියන් දෙදෙනා නිවසක් කුලියට ගෙන එහි රඳවාගෙන සිටි බවයි පොලීසිය පවසන්නේ. ඔවුන් මහියංගනය ඌරනීය ප‍්‍රදේශයේ පදිංචිකරුවන්. අත්අඩංගුවට ගත් පුද්ගලයින් දෙදෙනා රක්ෂිත බන්ධනාගාරගත කිරිමට මිනුවන්ගොඩ වැඩබලන මහේස්ත‍්‍රාත් සරණ කරුණාරත්න මහතා නියෝග කළා.
දිස්ති‍්‍රක්ක ගණනාවකට බලපා ඇති වියළි කාලගුණය මේ මස අග දක්වා පැවැතිය හැකි බව කාළගුණ විද්‍යා දෙපාර්තමේන්තුව පවසනවා. ඉන් වැඩිම බලපෑමක් එල්ලවී ඇත්තේ පොළොන්නරුව දිස්ති‍්‍රක්කයට. පවුල් දාහතර දහස් තුන්සිය හතළිස් අටක් එම දිස්ති‍්‍රක්කයේ පීඩාවට පත්ව සිටිනවා. අනුරාධපුර, වවුනියාව, යාපනය සහ ති‍්‍රකුණාමලය දිස්ති‍්‍රක්කයට ද නියඟය බලපා ඇති බවයි කාලගුණ විද්‍යා දෙපාර්තමේන්තුව ප‍්‍රකාශ කළේ. මේ හේතුවෙන් ප‍්‍රධාන ජලාශ රැසක ජල මට්ටම පහළ බැස තිබෙනවා. එම දිස්ති‍්‍රක්කවල ජනතාවට ජලය බෙදාහැරීම සඳහා කටයුතු සූදානම් කර ඇති බවයි වාර්තාවන්නේ. වන සතුන් ජලය සොයා ගම්මාන වලට පැමිණෙන බව වනජීවී දෙපාර්තමේන්තුව ප‍්‍රකාශ කළා. ඔවුන්ට කෘතිම ආහාරදීමෙන් වළකින ලෙසයි එම දෙපාර්තමේන්තුව දැනුම් දෙන්නේ. සතුන්ට අවශ්‍ය ජලය සැපයීමට පියවර ගෙන තිබෙනවා.
මරණ දඬුවම නියමවී සිටින හිටපු පාර්ලිමේන්තු මන්තී‍්‍ර දුමින්ද සිල්වා මහතා ශ්‍රේෂ්ඨාධිකරණයට අභියාචනයක් ඉදිරිපත් කළා. ඒ භාරත ලක්ෂ්මන් ප්‍රේමචන්ද්‍ර මහතා ඇතුලු 4 දෙනෙකු ඝාතනයට තමන් වරදකරුවන් කර මරණීය දණ්ඩනය ලබාදීමේ නියෝගය අභියෝගයට ලක්කරමින්. දුමින්ද සිල්වා මහතාගේ නීතීඥයන් මාර්ගයෙන් අභියාචනය කොළඹ මහාධිකරණය වෙත භාරදී තිබෙනවා. ති‍්‍රපුද්ගල මහාධිකරණ විනිසුරු මඩුල්ලේ බහුතර විනිසුරුවන්ගේ තීන්දුවක් මත තමන්ට මරණීය දණ්ඩනය පැනවීම නීතියට පටහැණි බවයි දුමින්ද සිල්වා මහතා අභියාචනයෙන් පෙන්වාදී ඇත්තේ.
පාර්ලිමේන්තු මන්ත‍්‍රී මහින්දානන්ද අලුත්ගමගේ මහතා ලබන 27 වනදා දක්වා රක්ෂිත බන්ධනාගාරගත කර තිබෙනවා. ඒ පෙරවරුවේ කොළඹ ප‍්‍රධාන මහේස්ත‍්‍රාත් ගිහාන් පිලපිටිය මහතා හමුවට ඉදිරිපත් කළ අවස්ථාවේදී. කොළඹ හත කිංසි පාරේ නිවසක් මිලදී ගැනීමට රුපියල් ලක්ෂ 270 ක් උපයාගත් ආකාරය භෙළි නොකිරීමයි මන්ත‍්‍රීවරයාට එල්ලවී ඇති චෝදනාව. ඔහු අත්අඩංගුවට ගත්තේ පසුගිය සිකුරාදා.
සිරියාව සම්බන්ධයෙන් ඇමරිකාව සහ රුසියාව අතර යළිත් සාකච්ඡා වාරයක් ආරම්භ වුණා. සටන් විරාමය අතරතුර එල්ලවූ ප‍්‍රහාරය පිලිබදවයි මුලික අවධානය යොමු වන්නෙ. ඉන් ආධාර රැගත් රථ 18 කට හානි සිදු වුණා. පුද්ගලයන් විසි දෙනෙකුද තුවාල ලැබූ බවයි ජාත්‍යන්තර ප‍්‍රවෘත්ති වාර්තා සදහන්කළේ. අවතැන් ජනතාවට සහන සැලසීම සදහා විධිමත් වැඩපිළිවෙළක් ක‍්‍රියාත්මක කළ යුතු බව ඇමරිකාව සහ රුසියාව පෙන්වා දී තිබෙනවා.